شيز كيك بارد

التشيز كيك البارد دة انا عملته في وقت قياسي سريع وشكله شيك جدا وبجد طعمه مميز......شوفو الصورة الاول








المقادير:
1 كوب حليب بودرة
تلات اربع كوب سكر
نصف كوب زيت
م ك بيكنج بودر
2 بيضة
ربع م نسكافيه

5 :7 جبنة كيري
ربع كوب سكر
رب كوب لبن

1 علبة كريم كرامل
2 م ك كاكاو بودرة
تلات اربع كوب لبن او تلات اربع كوب ماء+3 م ك حليب بودرة






مقادير الطبقه الأولى:
1كاس حليب بودره نحمصه عالنار لحد مايبقي لونه ذهبي
3/4 كاس سكر
2:3 بيضات
1/2 كاس زيت
1 ملعقة طعام بيكنج بودر
1/4 ملعقة طعام نسكافيه


تخلط جميع هذي المقادير بالخلاط جيدا حتى تمتزج‘وبعدين نحطها بصينيه الكب كيك او ممكن صينية مستطيلة بايركس وندخلها الفرن على درجة حراره متوسطه مثل الكيك

لمدة 1/3ساعه او تختبريها بعود اسنان او سكين وتتاكدي انها استوت

نصب الخليط في الصينية وناخد بالنا مش عاوزين الطبقة الاولي عالية زي الكيك العادي لو هتعمليها في صينية كب زي دي يبقي تحطي مقدار م ك واحدة او اكتر سنة بسيطة في كل كب




هنا بعد مالكيكة استوت نحاول بالراحة كدة بعد ماتهدي نحركها من القالب القعر والجوانب عشان لما نيجي نشيلها من الصينية ميبقاش الموضوع صعب





مقادير الطبقه الثانيه
5 حبة كيري+ربع كوب سكر+شوية لبن تقريبا ربع كوب

تخلط في الخلاط ثم نضعها فوق الطبقه الاولى بعد ماتستوي ونرجعها الفرن مره ثانيه بس المرة دي نشغله من فوق دقايق بسيطه بس حتى يجمد الخليط ويتماسك وندخلها التلاجة تبرد وتتماسك







بعدها الطبقه الاخيره:
3/4 كاس ماء+3 ملاعق طعام حليب بودره(او بدالهم لبن عادي) +2 ملعقة طعام كاكاو بودره+كيس واحد كريم كراميل


توضع عالنار وتحرك جيدا حتى تغلي وبمجرد ان تغلي خلاص شيليها عن النار سيبي الخليط يهدي ثواني بعيد عن النار وبعدين صبيه عالكيك.متسبهوش يبرد والا هتلاقيه تكتل ومش هتعرفي تفرديه خالص ونحطه بالراااااحة وتدخل الثلاجه وتؤكل باااااااااردة





وبعدين نطلعها من التلاجة ونحاول نبعدها عن الحواف بالراااااحة بمعلقة صغيرة ونطلعها من القالب بالراحة عشان نحافظ علي شكلها طبعا لو عملناها في قوالب الميني تشيز كيك يبقي احسن

















علي فكرة سهلة اوي وشيييييييك اوي كانك بتقدمي ارقي قطع الجاتوه وطعمها كمان يمييييييي رائع والله بالذات وهي باااااااردة وساقعة



انشالله يعجبكم
من اختكم
ملامح