الرقـيقـهـ عضوة فضيه
المساهمات : 146 تاريخ التسجيل : 01/08/2011
| موضوع: قصيدهــ واتمنى تنال اعجابكم..... الخميس أغسطس 25, 2011 9:44 pm | |
| جبت لكم قصيده واتمنى ان تنال اعجابكم
آسف انا في جيتي لك تسرعت***ظنيت الاقي فيك شيٍ فقدتـــــه
كنت احسبك مجروح مثلي تولعت ***جربت فرقى شخص قلبك وهبتـــه
كنت احسبك من مر جرحك تجرعت***حبيت فيك احساس طفلٍ لمحتــــه
لو...قلت...اه بوسط روحي توجعت ***ولو شفت دمعاتك شعوري سكبتـــه
ولو تطلب اعيوني ابد ما تمنعت ***واعطيك قلبي لو بعد ما طلبتــــه
وصلت بك..... اعلى مكان وتربعت***وفي قلب غيري ياالغضي ما وصلتـه
واصبر على صدك واشوفك تدلعت ***واعطيك ود وما اظنك حسبتــــه
اذهلتني بطباعك اللي ...تطبعت ***حتى قصيدي فيك ابد ما فهمتـــه
لو كان غاياتك حروفي فانا بعت ***منك الشعور اللي بنفسي كتبتــــه
خل القصايد تنفعك يوم ودعت ***وافرح بجرح الشاعر الي جرحته
وأرجوك من صدك تراني تشبعت***خلك مع اللي عاجبك او عجبتــه
يكفي قهر في جيتي لك تواضعت***تركت غيرك لجل عينك وبعتــه
ياليتني عن حب مثلك... ترفعت ***ياليت قلبي قبل اعرفك دفنتـــه
لكن اب ابعد دامني ماتولعت ***الله يرحم حبنا اللي ذبحتـــــه
انا شريت الود والحين انا بعت***وانا عطيتك قلبي اللي قهرتـــه
في يوم جيتك اطلبك ود واقنعت***نفسي بانك شخص عادي عرفتـه
كمل حياتك مثل ما انا توقعت ***تبقى اسير الماضي الي فرضتـه
ولا يحزنك اني جبان وتراجعت ***حولك بدالي الف شخصٍ عجبتـه
اما انا لا يمكن اخضع ولا طعت ***يحرم على اعطيك قلبٍ خذلتــه
باريّحك من شوفتي يوم قاطعت ***اسلوبك اللي بة تجامل كرهتـــه
غلطان يا المقفي انا ماتتبعت ***غيري يتابع خطوتي ما تبعتــه
ما ينحني راسي لو اني تقطعت ***وما هو بنا من لا رميتة لقطتـه
وان كان غرك حكي عذالي وطعت***الله يعلم كيف قلبي سكنتــــه
اللي ملا قلبك علي وتسمعت***خله يعوض شخص مثلي خسرته
انا بما فية الكفاية تولعـت ***واللي بقى من قلب فيني حرقتـه
وان شفتني صدفة بعينك تطلعت ***ذكرتني با نسان غالي فقدتـــه
باول لقا سلمتة احساسي وضعت ***غلطت حياتي يوم قلبي سلبتـــه
واستسمحك في البعد كاني تراجعت ***ما عاد ابلقى فيك شي نزفتــه
اتمنى انها تعجبكم ولاتنسون الردوود بليييز
| |
|
ملامح المديره
المساهمات : 642 تاريخ التسجيل : 31/07/2011
| موضوع: رد: قصيدهــ واتمنى تنال اعجابكم..... الجمعة أغسطس 26, 2011 5:39 am | |
| واااااااااااو مشكوره حببيبتي ع القصيده حيل حلو ه مشكوره
عدل سابقا من قبل ملامح في الثلاثاء أغسطس 30, 2011 7:09 pm عدل 1 مرات | |
|
بنت دلع فديتني عضوة فاعله جدا
المساهمات : 103 تاريخ التسجيل : 02/08/2011
| موضوع: رد: قصيدهــ واتمنى تنال اعجابكم..... السبت أغسطس 27, 2011 8:12 pm | |
| من وين جبتيها تهبل تجنن وربي موعارفه اعبر حلوه تجنن تسلمين حياتي عالقصيده الرائعه اتمنى ان تتقبلي مروري | |
|